Mae peirianwyr sifil yn llunio'r byd o'n cwmpas
Heb beirianwyr sifil, ni fyddai'r byd sy'n adnabyddus i ni yn bodoli... oherwydd mae peirianwyr sifil yn adeiladu'r isadeiledd (y gwasanaethau a'r cyfleusterau y mae eu hangen ar gymdeithas) sy'n cynnal ein bywydau bob dydd ac sy'n gwella ansawdd ein bywyd.
Bob tro y byddwch yn agor tap, yn rhoi'r golau, yn tynnu'r dŵr yn y tŷ bach, yn dal trên, yn croesi'r ffordd... rydych yn cael budd o beirianneg sifil.
Peirianneg ryfeddol
Gellir gweld y ffyrdd rhyfeddol y mae peirianwyr sifil yn goresgyn yr heriau o greu a chynnal ein hisadeiledd ar ein cyfer ni ac ar gyfer cenedlaethau'r dyfodol yn llyfr ICE, Little Book of Civilisation (Llyfr Bach Gwareiddiad). Atebir llawer o'r heriau hyn mewn ffordd sy'n gynaliadwy, ac fe gaiff pob un ei hateb yn steilus ac yn arloesol.
Petawn innau'n dod yn beiriannydd sifil, beth fyddwn i'n ei wneud mewn gwirionedd?
Fel peiriannydd sifil, gallech fod yn gweithio ym maes cynllunio, adeiladu a chynnal tyrau, twnelau, pontydd, argaeau, porthladdoedd, stadiymau chwaraeon, ysbytai, meysydd awyr, ffyrdd, rheilffyrdd, adeiladau uchel ac adeileddau mawrion yn y DU a thrwy’r byd i gyd.
Ar wahân i wella ansawdd ein bywydau, mae angen peirianwyr sifil mewn argyfyngau: ar ôl daeargrynfeydd, yn ystod cyfnodau o sychder ac ar adeg rhyfel. Fel peiriannydd sifil, gallech wneud gwahaniaeth cadarnhaol trwy helpu'r boblogaeth leol i ailadeiladu neu gynnal yr isadeiledd hanfodol a fydd yn eu cadw'n fyw.
Pwy a ŵyr i ble gallai'r gwaith hwn eich arwain...
A ydych chi'n barod i adeiladu byd gwell?